ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ຢ້ຽມຢາມ ແລະ ເຮັດວຽກຢູ່ແຂວງຫົວພັນ
ໃນຕອນເຊົ້າຂອງວັນທີ 17/05/2016 ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ໄດ້ໃຫ້ກຽດເປັນພິທີໃສ່ບາດສະຫຼອງແກ້ວຫຼັກເມືອງ ທີ່ຊໍາເໜືອ ຄົບຮອບ 8 ປີ ແກ້ວຫຼັກເມືອງ ຕັ້ງຢູ່ໃຈກາງເທດສະບານ ເມືອງຊຳເໜືອ ແຂວງຫົວພັນ ອົງຄະນະພັກ-ອຳນາດການປົກຄອງແຂວງຫົວພັນ ໄດ້ຕົກລົງກໍ່ສ້າງ ສວນແກ້ວຫຼັກເມືອງຂຶ້ນ ໃນວັນທີ່ 24/9/2007 ແລະ ໄດ້ສຳເລັດວັນທີ 17/5/2008.
ປັດຈຸບັນສວນແກ້ວຫຼັກເມືອງ ໄດ້ກາຍເປັນສະຖານທີ່ ທີ່ສັກສິດ ດ້ວຍ 4 ສັດຈະທໍາ ຢູ່ເສົາໜ່ວຍແກ້ວຫຼັກເມືອງ ແລະ ກາຍເປັນສະຖານທີ່ແຫຼ່ງທ່ອງທ່ຽວ ທີ່ສຳຄັນຂອງແຂວງຫົວພັນ.
ໃນວັນທີ່ 17/05/2016 ການນໍາ ແລະ ປະຊາຊົນຊາວເມືອງຊໍາເໜືອ ແລະ ໃກ້ຄຽງ ໄດ້ພ້ອມກັນເຮັດພິທີ ທໍາບຸນໃສ່ບາດ ແລະ ມ່ວນຊື່ນຄົບງັນ.
ຫລັງຈາກນັ້ນ,ທ່ານຮອງປະທານປະເທດຍັງໄດ້ໂອ້ລົມເນັ້ນໃຫ້ອຳນາດການປົກຄອງ ທຸກຂັ້ນຂອງແຂວງຫົວພັນ ພັດທະນາແຂວງໃຫ້ໄປຕາມ 4 ບຸກທະລຸ, ເປັນເຈົ້າການພັດ ທະນາຕົນເອງ ລວມທັງອະນຸ ລັກຮັກສາທຳມະຊາດ, ພ້ອມ ນັ້ນ ກໍໃຫ້ເອົາໃຈໃສ່ຄົ້ນຄວ້າ ເຊື່ອມຊຶມມະຕິກອງປະຊຸມ ໃຫຍ່ ຄັ້ງທີ X ຂອງພັກ. ຂະນະ ທີ່ ທ່ານເຈົ້າແຂວງຫົວພັນລາຍ ງານວ່າ: ເສດຖະກິດແຂວງຫົວ ພັນ ຂະຫຍາຍຕົວຢູ່ໃນລະດັບ 8-9% ຕໍ່ປີ.
ເມື່ອວັນທີ 16 ພຶດສະພາ ຜ່ານມານີ້ ທ່ານ ພັນຄຳ ວິພາ ວັນ ຮອງປະທານປະເທດ ໄດ້ ເຄື່ອນໄຫວຢ້ຽມຢາມ ແລະ ໂອ້ລົມພະນັກງານແຂວງຫົວ ພັນ ໂດຍເປັນກຽດເຂົ້າຮ່ວມ ຮັບຟັງຂອງທ່ານ ວັນໄຊ ແພງ ຊຸມມາ ກຳມະການສູນກາງ ພັກ ເລຂາພັກແຂວງ ເຈົ້າແຂວງ ຫົວພັນ, ມີບັນດາທ່ານການນຳ ຂັ້ນແຂວງ, ເມືອງຊຳເໜືອ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ ພ້ອມດ້ວຍ ພະນັກງານ-ລັດຖະກອນທົ່ວ ເທດສະບານແຂວງເຂົ້າຮ່ວມ ຮັບຟັງນຳ.
ທ່ານ ວັນໄຊ ແພງຊຸມມາ ເຈົ້າແຂວງຫົວພັນ ໄດ້ລາຍ ງານສະພາບລວມ ແລະ ການຈັດຕັ້ງຜັນຂະຫຍາຍມະຕິກອງປະຊຸມ ຄັ້ງທີ IX ຂອງອົງຄະ ນະພັກແຂວງ ແລະ ມະຕິ X ຂອງສູນກາງພັກ ໂດຍຍົກໃຫ້ ເຫັນແຂວງຫົວພັນໃນໄລຍະ ຜ່ານມາ ມີສະຖຽນລະພາບ ທາງດ້ານການເມືອງ, ສັງຄົມ ມີຄວາມສະຫງົບປອດໄພ, ເສດຖະກິດມີການຂະຫຍາຍ ຕົວຕໍ່ເນື່ອງໃນລະດັບ 8-9%, GDP ບັນລຸ 864 ໂດລາສະ ຫະລັດຕໍ່ຄົນຕໍ່ປີ, ການແກ້ໄຂຄວາມທຸກຍາກຂອງປະຊາຊົນຍັງເຫຼືອ 22,16% ຂອງຄອບ ຄົວທັງໝົດໃນທົ່ວແຂວງຈາກ ຜົນງານທີ່ສ້າງມາໄດ້ ທ່ານ ຮອງປະທານປະເທດ ໄດ້ຍ້ອງ ຍໍຊົມເຊີຍຜົນງານ ທີ່ແຂວງຫົວ ພັນ ຍາດມາໄດ້ໃນໄລຍະຜ່ານ ມາ ແລະ ໄດ້ຮຽກຮ້ອງໃຫ້ຄະ ນະພັກ, ອຳນາດການປົກຄອງ ທຸກຂັ້ນ ຈົ່ງມີສະຕິລະວັງຕົວ, ມີຄວາມສາມັກຄີຊ່ວຍເຫຼືອຊຶ່ງ ກັນ ແລະ ກັນ ເປັນຈິດໜຶ່ງໃຈ ດຽວ, ເປັນເຈົ້າການພັດທະນາ ຕົນເອງ ພ້ອມກັນອະນຸລັກຮັກ ສາທຳມະຊາດ, ສືບຕໍ່ພັດທະ ນາແຂວງໃຫ້ໄປຕາມ 4 ບຸກ ທະລຸ ແລະ ເອົາໃຈໃສ່ຄົ້ນຄວ້າ ເຊື່ອມຊຶມເນື້ອໃນມະຕິ X ຂອງພັກ ໃຫ້ປະກົດຜົນເປັນ ຈິງ.
ນອກນັ້ນ, ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວຍັງໄດ້ຈັດພິທີ ເປີດການກໍ່ສ້າງ ໂຮງຮຽນສົງ ຢູ່ວັດອົງຕື້ ສີບຸນເຮືອງ ໃນວັນທີ 18 ພຶດສະພາ 2016 ໂດຍການເຂົ້າຮ່ວມ ຂອງທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ, ທ່ານ ວັນໄຊ ແພງຊຸມມາ ເຈົ້າແຂວງຫົວພັນ, ມີບັນດາທ່ານ ການນຳຂັ້ນແຂວງ, ເມືອງຊຳເໜືອ ພ້ອມດ້ວຍມວນຊົນ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ໂຮງຮຽນສົງ ຫລັງດັ່ງກ່າວ, ຈະສ້າງເປັນອາຄານ 2 ຊັ້ນ, ປະກອບມີ 8 ຫ້ອງຮຽນ ໂດຍແມ່ນບໍລິສັດ ແສງທອງກໍ່ສ້າງ ເປັນຜູ້ຮັບເໝົາກໍ່ສ້າງ, ລວມມູນຄ່າ ການກໍ່ສ້າງ 2 ຕື້ກວ່າກີບ, ໃນນັ້ນ ເປັນເງິນ ປະກອບສ່ວນຂອງ ທ່ານຮອງປະທານປະເທດ 270 ລ້ານກວ່າກີບ ແລະ ອີກຈຳນວນໜຶ່ງ ແມ່ນການປະກອບສ່ວນ ຈາກພາກສ່ວນຕ່າງໆ ໃນນະຄອນຫລວງວຽງຈັນ, ອົງການສົງ ເກົາຫລີ ແລະ ພາກສ່ວນອື່ນໆ ທີ່ໄດ້ພ້ອມກັນ ປະກອບທຶນຮອນ, ເຫື່ອແຮງຮ່ວມກັນ ເປັນເຈົ້າສັດທາ ໃນໂຄງການກໍ່ສ້າງ ດັ່ງກ່າວ.
ຈຸດປະສົງການສ້າງ ໂຮງຮຽນດັ່ງກ່າວ, ເພື່ອໃຫ້ລູກຫລານ ຂອງປະຊາຊົນ ແຂວງຫົວພັນ ໄດ້ຮໍ່າຮຽນ ຫລັກທຳຄຳສອນ ຂອງພະພຸດທະເຈົ້າ ແລະ ການສຶກສາ ສາຍສາມັນ ນັບແຕ່ ມ5-ມ7 ເພື່ອຝຶກຝົນໃຫ້ ຢູ່ໃນສິນກິນໃນທຳ ກາຍເປັນຜູ້ສືບທອດ ທາງພຸດທະສາສະໜາ, ເປັນຄົນທີ່ມີຄວາມຮູ້ ດ້ານການສຶກສາ ແລະ ເປັນຄົນດີຂອງຊາດ ໃນອະນາຄົດ ເພື່ອປົກປັກຮັກສາ ແລະ ເສີມຂະຫຍາຍ ວັດທະນະທຳ ແລະ ຮີດຄອງປະເພນີ ອັນດີງາມຂອງ ຊາດລາວເຮົາ ໄວ້ໃຫ້ຍືນຍົງ ຄຽງຄູ່ກັບຄົນລາວ ຕະຫລອດໄປ.
ຫລັງຈາກນັ້ນວັນດຽວກັນ, ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ຍັງໄດ້ໄປຢ້ຽມຢາມ ແລະ ເຮັດວຽກຢູ່ ເມືອງກ້ວນ ແລະ ເມືອງຊ່ອນ ແຂວງຫົວພັນອີກດ້ວຍໂດຍໄດ້ຮັບການຕ້ອນຮັບຢ່າງອົບອຸ່ນຈາກການນຳເມືອງດັ່ງກ່າວ.
ຄັດຂ່າວຈາກ: ຫົວພັນວັນນີ້
ຫົວພັນຖິ່ນກຳ ເນີດປະຕິວັດ ສຸມພັດທະນາ 5 ທ່າແຮງ ຂອງແຂວງ
ແຂວງຫົວພັນ ນັບວ່າເປັນແຂວງໜຶ່ງທີ່ຍັງມີອັດຕາຄວາມທຸກຍາກຂອງປະຊາຊົນຫຼາຍສົມຄວນສະນັ້ນເພື່ອແກ້ບັນຫາດັ່ງກ່າວກໍຄື
ປະຕິບັດຕາມແນວທາງນະໂຍບາຍຂອງພັກ-ລັດ ທາງແຂວງ ຈິ່ງສຸມໃສ່ການພັດທະນາ 5 ທ່າແຮງຫຼັກຂອງແຂວງເປັນຕົ້ນຕໍໂດຍສະເພາະການປູກຝັງ, ການລ້ຽງສັດ, ການທ່ອງທ່ຽວ, ຫັດຖະກຳທີ່ເປັນມູນເຊື້ອ ແລະ ການກໍ່ສ້າງເຂື່ອນໄຟຟ້ານ້ຳຕົກເພື່ອຂັບເຄື່ອນເສດຖະກິດໃຫ້ຂະຫຍາຍຢ່າງຕໍ່ເນື່ອງທີ່ຈະຊ່ວຍຍູ້ໜູນເຮັດໃຫ້ຊີວິດການເປັນຢູ່ຂອງປະຊາຊົນມີລະດັບທີ່ດີຂຶ້ນເທື່ອລະກ້າວ.
ທ່ານ ພັນທອງ ເພັດໄຊສົມພັນ ຮອງເຈົ້າແຂວງໆຫົວພັນໃຫ້ຮູ້ເມື່ອບໍ່ດົນມານີ້ວ່າ:
ເນື່ອງວ່າແຂວງຫົວພັນເປັນແຂວງ ທີ່ທຸກຍາກກວ່າໝູ່ໃນປະເທດປະຈຸບັນມີອັດຕາຄວາມທຸກຍາກ 18% ຂອງຈຳນວນຄອບຄົວ ເທົ່າກັບ 8 ພັນກວ່າຄອບຄົວຊຶ່ງຜ່ານມາແຂວງໄດ້ສຸມທຶນຮອນເຂົ້າໃສ່ໃນການສ້າງກິດຈະກຳເພີ່ມລາຍຮັບໃຫ້ປະຊາຊົນເຮັດໃຫ້ປະຊາຊົນມີວຽກເຮັດງານທຳ ແລະມີລາຍຮັບເພີ່ມຂຶ້ນແນວໃດກໍດີເພື່ອເຮັດໃຫ້ປະຊາຊົນພາຍໃນແຂວງມີຊີວິດການເປັນຢູ່ດີຂຶ້ນຫຼຸດພົ້ນຈາກຄວາມທຸກຍາກເທື່ອລະກ້າວແຂວງໄດ້ວາງວິໃສທັດການພັດທະນາຕາມ 5 ທ່າແຮງບົ່ມຊ້ອນຂອງແຂວງເປັນຕົ້ນແມ່ນການປູກຝັງປູກພືດປອດສານພິດເພື່ອຈຳໜ່າຍຕະຫຼາດພາຍໃນ ແລະສົ່ງອອກ, ການລ້ຽງສັດໂດຍສະເພາະງົວ, ຄວາຍ, ໝູ ແລະອື່ນໆ, ການທ່ອງທ່ຽວຕິດພັນກັບການບໍລິການທາງ ຜ່ານ, ຫັດຖະກຳທີ່ເປັນມູນເຊື້ອເປັນຕົ້ນຕ່ຳຫູກທໍໄໝ, ການຈັກສານ ແລະການປັ້ນຫຼໍ່ຕ່າງໆ ແລະການກໍ່ສ້າງເຂື່ອນໄຟ ຟ້ານ້ຳຕົກຊຶ່ງປະຈຸບັນມີຫຼາຍໂຄງການທີ່ກໍ່ສ້າງ ແລະກຳລັງກໍ່ສ້າງ.
ແນວໃດກໍດີອີງຕາມບົດສະຫຼຸບຂອງ ສົກປີ 2014-2015 ທົ່ວແຂວງຫົວພັນມີເນື້ອທີ່ປູກຝັງທັງໝົດ 61.162 ເຮັກຕາເກັບກ່ຽວຜົນຜະລິດໄດ້ 332.612 ໂຕນ ໃນນັ້ນ ເນື້ອທີ່ປູກເຂົ້າມີທັງໝົດ 27.478 ເຮັກຕາ ເກັບກ່ຽວຜົນຜະລິດໄດ້ 1,10 ແສນໂຕນ ສຳລັບເນື້ອທີ່ປູກພືດມີ 33.684 ເຮັກຕາ ໃນນີ້ ປູກພືດຕົ້ນຕໍ 26.784 ເຮັກ ຕາ ຜົນຜະລິດໄດ້ 1,78 ແສນກວ່າໂຕນ ແລະເນື້ອທີ່ປູກພືດສິນຄ້າທົ່ວໄປ 5.598 ເຮັກຕາ ຜົນຜະລິດໄດ້ 36,62 ພັນໂຕນ, ສ່ວນສັດລ້ຽງມີທັງໝົດ 2,79 ແສນກວ່າ ໂຕ ມີສັດໃຫຍ່ (ງົວ ແລະຄວາຍ) 1,28 ແສນກວ່າໂຕ ແລະສັດປີກ 910.101 ໂຕ.
ທົ່ວແຂວງມີແຫຼ່ງທ່ອງທ່ຽວທັງໝົດ 124 ແຫ່ງ ໃນນັ້ນ ແຫຼ່ງທ່ອງທ່ຽວທາງ ດ້ານທຳມະຊາດ 37 ແຫ່ງ, ທາງດ້ານ ວັດທະນະທຳ 30 ແຫ່ງ ແລະແຫຼ່ງທ່ອງ ທ່ຽວປະຫວັດສາດ 57 ແຫ່ງ ສາມາດດຶງດູດນັກທ່ອງທ່ຽວໄດ້ທັງໝົດ 39.341 ຄົນ ໃນນັ້ນ ແຂກພາຍໃນ 16.400 ຄົນ ແລະແຂກຕ່າງປະເທດ 22.941 ຄົນ ໂດຍສາມາດສ້າງລາຍຮັບຈາກການທ່ອງທ່ຽວໄດ້ 16,85 ຕື້ກີບ.
ໂດຍປະຈຸບັນຈຳນວນ ບ້ານທີໄດ້ ຊົມໃຊ້ໄຟຟ້າແລ້ວມີ 429 ບ້ານ ເທົ່າກັບ 59,75% ຂອງບ້ານທັງໝົດ, ມີ 32.470 ຄົວເຮືອນ ເທົ່າກັບ 67,52% ຂອງຄົວເຮືອນທັງໝົດ ແລະສາມາດຈຳໜ່າຍກະແສໄຟຟ້າສາຂາແຂວງຫົວພັນ ໄດ້ 24,89 ລ້ານກວ່າກິໂລວັດ (Kw) ສາມາດເກັບລາຍໄດ້ຈາກພະລັງງານ ມູນຄ່າ 16,25 ຕື້ກີບ ໃນນັ້ນ ການຜະລິດຈຳໜ່າຍໄຟຟ້ານ້ຳຕົກປະຕິບັດໄດ້ 775.750 ກິໂລວັດ ນອກນັ້ນກຳລັງກໍ່ ສ້າງເຂື່ອນໄຟຟ້ານ້ຳຕົກ 6 ແຫ່ງມີກຳ ລັງຕິດຕັ້ງໄຟຟ້າລວມ 234 ເມກາວັດ ມູນຄ່າ 510 ລ້ານໂດລາສະຫະລັດ.
ປະຕິບັດຕາມແນວທາງນະໂຍບາຍຂອງພັກ-ລັດ ທາງແຂວງ ຈິ່ງສຸມໃສ່ການພັດທະນາ 5 ທ່າແຮງຫຼັກຂອງແຂວງເປັນຕົ້ນຕໍໂດຍສະເພາະການປູກຝັງ, ການລ້ຽງສັດ, ການທ່ອງທ່ຽວ, ຫັດຖະກຳທີ່ເປັນມູນເຊື້ອ ແລະ ການກໍ່ສ້າງເຂື່ອນໄຟຟ້ານ້ຳຕົກເພື່ອຂັບເຄື່ອນເສດຖະກິດໃຫ້ຂະຫຍາຍຢ່າງຕໍ່ເນື່ອງທີ່ຈະຊ່ວຍຍູ້ໜູນເຮັດໃຫ້ຊີວິດການເປັນຢູ່ຂອງປະຊາຊົນມີລະດັບທີ່ດີຂຶ້ນເທື່ອລະກ້າວ.
ທ່ານ ພັນທອງ ເພັດໄຊສົມພັນ ຮອງເຈົ້າແຂວງໆຫົວພັນໃຫ້ຮູ້ເມື່ອບໍ່ດົນມານີ້ວ່າ:
ເນື່ອງວ່າແຂວງຫົວພັນເປັນແຂວງ ທີ່ທຸກຍາກກວ່າໝູ່ໃນປະເທດປະຈຸບັນມີອັດຕາຄວາມທຸກຍາກ 18% ຂອງຈຳນວນຄອບຄົວ ເທົ່າກັບ 8 ພັນກວ່າຄອບຄົວຊຶ່ງຜ່ານມາແຂວງໄດ້ສຸມທຶນຮອນເຂົ້າໃສ່ໃນການສ້າງກິດຈະກຳເພີ່ມລາຍຮັບໃຫ້ປະຊາຊົນເຮັດໃຫ້ປະຊາຊົນມີວຽກເຮັດງານທຳ ແລະມີລາຍຮັບເພີ່ມຂຶ້ນແນວໃດກໍດີເພື່ອເຮັດໃຫ້ປະຊາຊົນພາຍໃນແຂວງມີຊີວິດການເປັນຢູ່ດີຂຶ້ນຫຼຸດພົ້ນຈາກຄວາມທຸກຍາກເທື່ອລະກ້າວແຂວງໄດ້ວາງວິໃສທັດການພັດທະນາຕາມ 5 ທ່າແຮງບົ່ມຊ້ອນຂອງແຂວງເປັນຕົ້ນແມ່ນການປູກຝັງປູກພືດປອດສານພິດເພື່ອຈຳໜ່າຍຕະຫຼາດພາຍໃນ ແລະສົ່ງອອກ, ການລ້ຽງສັດໂດຍສະເພາະງົວ, ຄວາຍ, ໝູ ແລະອື່ນໆ, ການທ່ອງທ່ຽວຕິດພັນກັບການບໍລິການທາງ ຜ່ານ, ຫັດຖະກຳທີ່ເປັນມູນເຊື້ອເປັນຕົ້ນຕ່ຳຫູກທໍໄໝ, ການຈັກສານ ແລະການປັ້ນຫຼໍ່ຕ່າງໆ ແລະການກໍ່ສ້າງເຂື່ອນໄຟ ຟ້ານ້ຳຕົກຊຶ່ງປະຈຸບັນມີຫຼາຍໂຄງການທີ່ກໍ່ສ້າງ ແລະກຳລັງກໍ່ສ້າງ.
ແນວໃດກໍດີອີງຕາມບົດສະຫຼຸບຂອງ ສົກປີ 2014-2015 ທົ່ວແຂວງຫົວພັນມີເນື້ອທີ່ປູກຝັງທັງໝົດ 61.162 ເຮັກຕາເກັບກ່ຽວຜົນຜະລິດໄດ້ 332.612 ໂຕນ ໃນນັ້ນ ເນື້ອທີ່ປູກເຂົ້າມີທັງໝົດ 27.478 ເຮັກຕາ ເກັບກ່ຽວຜົນຜະລິດໄດ້ 1,10 ແສນໂຕນ ສຳລັບເນື້ອທີ່ປູກພືດມີ 33.684 ເຮັກຕາ ໃນນີ້ ປູກພືດຕົ້ນຕໍ 26.784 ເຮັກ ຕາ ຜົນຜະລິດໄດ້ 1,78 ແສນກວ່າໂຕນ ແລະເນື້ອທີ່ປູກພືດສິນຄ້າທົ່ວໄປ 5.598 ເຮັກຕາ ຜົນຜະລິດໄດ້ 36,62 ພັນໂຕນ, ສ່ວນສັດລ້ຽງມີທັງໝົດ 2,79 ແສນກວ່າ ໂຕ ມີສັດໃຫຍ່ (ງົວ ແລະຄວາຍ) 1,28 ແສນກວ່າໂຕ ແລະສັດປີກ 910.101 ໂຕ.
ທົ່ວແຂວງມີແຫຼ່ງທ່ອງທ່ຽວທັງໝົດ 124 ແຫ່ງ ໃນນັ້ນ ແຫຼ່ງທ່ອງທ່ຽວທາງ ດ້ານທຳມະຊາດ 37 ແຫ່ງ, ທາງດ້ານ ວັດທະນະທຳ 30 ແຫ່ງ ແລະແຫຼ່ງທ່ອງ ທ່ຽວປະຫວັດສາດ 57 ແຫ່ງ ສາມາດດຶງດູດນັກທ່ອງທ່ຽວໄດ້ທັງໝົດ 39.341 ຄົນ ໃນນັ້ນ ແຂກພາຍໃນ 16.400 ຄົນ ແລະແຂກຕ່າງປະເທດ 22.941 ຄົນ ໂດຍສາມາດສ້າງລາຍຮັບຈາກການທ່ອງທ່ຽວໄດ້ 16,85 ຕື້ກີບ.
ໂດຍປະຈຸບັນຈຳນວນ ບ້ານທີໄດ້ ຊົມໃຊ້ໄຟຟ້າແລ້ວມີ 429 ບ້ານ ເທົ່າກັບ 59,75% ຂອງບ້ານທັງໝົດ, ມີ 32.470 ຄົວເຮືອນ ເທົ່າກັບ 67,52% ຂອງຄົວເຮືອນທັງໝົດ ແລະສາມາດຈຳໜ່າຍກະແສໄຟຟ້າສາຂາແຂວງຫົວພັນ ໄດ້ 24,89 ລ້ານກວ່າກິໂລວັດ (Kw) ສາມາດເກັບລາຍໄດ້ຈາກພະລັງງານ ມູນຄ່າ 16,25 ຕື້ກີບ ໃນນັ້ນ ການຜະລິດຈຳໜ່າຍໄຟຟ້ານ້ຳຕົກປະຕິບັດໄດ້ 775.750 ກິໂລວັດ ນອກນັ້ນກຳລັງກໍ່ ສ້າງເຂື່ອນໄຟຟ້ານ້ຳຕົກ 6 ແຫ່ງມີກຳ ລັງຕິດຕັ້ງໄຟຟ້າລວມ 234 ເມກາວັດ ມູນຄ່າ 510 ລ້ານໂດລາສະຫະລັດ.
ຕາດຜາຫວ່າງແຫຼ່ງທ່ອງທ່ຽວໃໝ່ຂອງເມືອງຊຳໃຕ້, ແຂວງຫົວພັນ
ນໍ້າຕົກຕາດຜາຫວ່າງ ເປັນອີກແຫຼ່ງທ່ອງທ່ຽວແຫ່ງຫນຶ່ງຂອງເມືອງຊຳໃຕ້ ທີ່ໄດ້ຖືກຄົ້ນພົບ ແລະປະກາດເປີດເປັນແຫຼ່ງທ່ອງທ່ຽວ
ທຳມະຊາດລະດັບ ເມືອງຢ່າງເປັນທາງການ ຊຶ່ງໃນອະນາຄົດແຫຼ່ງທ່ອງທ່ຽວແຫ່ງນີ້ ອາດກາຍເປັນແຫຼ່ງທ່ອງທ່ຽວລະດັບແຂວງ ແລະ ລະດັບຊາດ.
ທ່ານ ຮິນທອງ ດວງຈັນສຸກ ເຈົ້າເມືອງໆຊຳໃຕ້ ໃຫ້ຮູ້ວ່າ: ຕະຫຼອດໄລຍະຜ່ານມານໍ້າຕົກຕາດຜາຫວ່າງຕັ້ງຢູ່ໃນຂອບເຂດພື້ນທີ່ຂອງ
ບ້ານປາວເຫນືອ ຊຶ່ງເມື່ອກ່ອນບ້ານປາວເຫນືອແມ່ນບ້ານຫນຶ່ງທີ່ຂຶ້ນກັບກຸ່ມບ້ານເມືອງປາວ ແລະຂຶ້ນກັບເມືອງຊຳໃຕ້ທີ່ມີມາແຕ່ບູຮານນະການ ອີງຕາມການບອກເລົ່າຂອງຜູ້ເຖົ້າຜູ້ແກ່ທີ່ເລົ້າສືບຕໍ່ກັນມາວ່າ: ຜູ້ທີ່ມາສ້າງເປັນບ້ານທຳອິດແມ່ນມີ 3 ຈຸ້ມຈາວຄື: ຈຸ້ມຈາວທີ 1 ເປັນຊົນ ເຜົ່າໄຕແດງທີ່ຍ້າຍມາແຕ່ເມືອງປາວ, ຈຸ້ມຈາວທີ 2 ຍ້າຍມາແຕ່ເມືອງໂສຍ ແລະ ຈຸ້ມຈາວທີ 3 ຍ້າຍ ມາແຕ່ຮິ່ງຮ່າ ປ່າມູນ ລຽບແມ່ນໍ້າແດງ (ພາກເຫນືອຂອງ ສສ ຫວຽດນາມ ໃນປະຈຸບັນ) ມາຮ່ວມກັນແລ້ວສ້າງເປັນບ້ານຂຶ້ນເມື່ອປະມານປີ 1422 ໂດຍໃນເບື້ອງຕົ້ນມີ 27 ຄອບຄົວ ແລະເອີ້ນຊື່ບ້ານວ່າ: ບ້ານນາຄຳ, ແຕ່ໃນໄລຍະຕໍ່ມາໄດ້ປ່ຽນຊື່ບ້ານຈາກບ້ານນາຄຳມາເປັນບ້ານປາວເຫນືອ ໂດຍກຳນົດຊື່ເອີ້ນຕາມສາຍນ້ຳ ເພາະວ່າບ້ານຕັ້ງຢູ່ລຽບຫ້ວຍນ້ຳປາວຕອນເຫນືອ ນອກນັ້ນຍັງມີຫ້ວຍນໍ້າຮໍຊຶ່ງ ເປັນ ຍອດນໍ້າປາວທີ່ໄຫຼມາແຕ່ພູພຽງນໍ້າຍື່ງເຂດກະສອນ ໂດຍນໍ້າດັ່ງກ່າວໄດ້ໄຫຼລອດຜາຫວ່າງອອກມາເປັນນໍ້າຕົກຕາດທີ່ສວຍງາມຊາວບ້ານເຂດນີ້ເລີຍເອີ້ນຊື່ຕາມຜານໍ້າອອກມານີ້ວ່າ: ຕາດຜາຫວ່າງ ສືບຕໍ່ກັນມາຈົນເຖິງປະຈຸບັນ.
ນໍ້າຕົກຕາດຜາຫວ່າງເປັນນໍ້າຕົກ ຫີນເກັດຕັ້ງຢູ່ບ້ານປາວເຫນືອ ເມືອງຊຳໃຕ້ ຫ່າງຈາກເທສະບານ ເມືອງ 30 ກິໂລແມັດ ເປັນນໍ້າຕົກຕາດອອກຈາກຮູຜາຫີນທີ່ຢຽດຍາວໄປຕາມສາຍພູສູງ ແລະມີແມ່ນ້ຳໄຫຼຕະຫຼອດປີເປັນນ້ຳຕົກຕາດທຳມະຊາດທີ່ສວຍງາມອາດເປັນອັນດັບຫນຶ່ງຂອງປະເທດລາວ ມີຄວາມຍາວທັງຫມົດ 700 ແມັດ ກວ້າງສະເລ່ຍ 15-20 ແມັດ ມີ 21 ພັກ ແຕ່ລະພັກມີຄຸນລັກສະນະຄວາມງາມແຕກຕ່າງກັນເປັນຕາດທີ່ມີສະເຫນ ດຶງດູດຈິດໃຈຜູ້ມາທ່ຽວຊົມ ຍ້ອນຄວາມງາມຂອງທຳມະຊາດທີ່ອຸດົມສົມບູນໄປ ດ້ວຍຊີວະນາໆພັນອາໄສຢູ່ຫຼາກຫຼາຍ, ອາກາດສົດຊື່ນເຢັນສະບາຍ, ສອງຟາກຫ້ວຍມີຕົ້ນໄມ້ຫຼາຍຢ່າງຂຽວງາມ, ມີສັດສາວາສິ່ງຫຼາຍຊະນິດເປັນຕົ້ນນົກ, ກະ ຮອກ ແລະຊະນິດອື່ນໆຢ່າຫຼວງຫຼາຍພິເສດແມ່ນມີໂຕທະນີ 7 ໂຕແຕ່ລະມື້ຈະ ອອກມາຮ້ອງຢ່າງມີຄວາມສຸກໃນຂອບເຂດບໍລິເວນດັ່ງກ່າວ ນອກນັ້ນ ໃນຂອບເຂດນ້ຳຕົກຕາດຜາຫວ່າງຍັງມີຮ່ອງຮອຍທາງປະຫວັດສາດ, ວັດທະນະທຳຫຼາຍຢ່າງທີ່ເປັນຕາງຶດງໍ້ເຊັ່ນ: ຫີນຕັ້ງ, ຫີນຫນູນີກາ (ຮູບອະໄວຍະວະເພດຍິງ-ຊາຍ ຢູ່ຮ່ວມກັນ), ມີຮອຍຕີນເຢື້ອຍ, ເຕົ່າຫີນຕີນຜາຮໍ ແລະຖໍ້າມ້າຫີນຜູ້ເຖົ້າຜູ້ແກ່ບູຮານເພີ່ນເຄີຍເວົ້າກັນວ່າ: ຖໍ້າມ້າ ສາລີກາບຜາຮໍ ຊຶ່ງມີຄວາມເຫມາະສົມແກ່ການໄປທ່ຽວຊົມ ແລະພັກຜ່ອນໃນມື້ວັນພັກຕ່າງໆ.
ສ່ວນສາເຫດທີ່ມາຂອງຊື່ຜາຫວ່າງນັ້ນ ຕາມການບອກເລົ່າຂອງຊາວບ້ານໃຫ້ຮູ້ວ່າ: ແຕ່ກ່ອນຜານີ້ມີໂຕຫວ່າງຫຼາຍບວກໃສ່ກັບຜາຫີນສູງຍາວມີນໍ້າໄຫຼອອກຈາກຮູຜາໃນລະດູຝົນໄຫຼອອກຈາກຮູນໍ້າລອດບໍ່ທັນນໍ້າໄດ້ໄຫຼອອກຈາກຫວ່າງຜາຂອງສອງຜາຮຽງກັນຈິ່ງໄດ້ເອີ້ນຊື່ວ່າ: ຜາຫວ່າງ.
ທ່ານ ຮິນທອງ ດວງຈັນສຸກ ກ່າວຕື່ມອີກວ່າ: ມາຮອດຕົ້ນເດືອນພະຈິກ 2015 ເມືອງໄດ້ຕັດສິນໃຈມອບໃຫ້ບໍລິສັດບູນທະວີຊັບເປັນຜູ້ລົງທຶນກໍ່ສ້າງເສັ້ນທາງເຂົ້າໃສ່ຕາດດັ່ງກ່າວເພື່ອສ້າງພື້ນຖານ ໂຄງລ່າງໃນເບື້ອງຕົ້ນ ຊຶ່ງມີຄວາມຍາວ 4 ກິໂລແມັດ ເພື່ອເປັນການສ້າງເງື່ອນໄຂໃຫ້ພະນັກງານ, ປະຊາຊົນ, ແຂກຕ່າງດ້າວຊາວຕ່າງແດນໄດ້ມາທ່ຽວຊົມທິວທັດທຳມະຊາດທີ່ສວຍສົດງົດງາມສາມາດດຶງດູດເອົາບັນດາແຂກພາຍໃນ ແລະ ຕ່າງປະເທດເຂົ້າມາທ່ຽວຊົມ.
ແນວໃດກໍດີ ການພັດທະນາແຫຼ່ງທ່ອງທ່ຽວນໍ້າຕົກຕາດຜາຫວ່າງນີ້ ເປັນພຽງຈຸດເລີ່ມຕົ້ນເທົ່ານັ້ນ ໃນຂັ້ນຕໍ່ໄປພວກເຮົາຈະສືບຕໍ່ພັດທະນາແຫຼ່ງທ່ອງທ່ຽວແຫ່ງນີ້ໃຫ້ກາຍເປັນແຫຼ່ງທ່ອງທ່ຽວທາງທຳມະຊາດລະດັບແຂວງ ແລະ ລະດັບຊາດໃນອະນາຄົດທີ່ຖືກຕ້ອງຕາມກົດຫມາຍການທ່ອງທ່ຽວໃນພາກທີ V ຫມວດທີ 2 ວ່າດ້ວຍການພັດທະນາ ແຫຼ່ງທ່ອງທ່ຽວ.
ທັງນີ້ ກໍຂໍຮຽກຮ້ອງເຊີນຊວນບັນດາທ່ານທີ່ຢູ່ພາຍໃນ ແລະຕ່າງປະເທດ ຈົ່ງພ້ອມກັນໃຫ້ຄວາມສະຫນັບສະຫນູນໂຄສະນາຊວນເຊື່ອ ພ້ອມກັນມາທ່ຽວຊົມປະກອບສ່ວນວັດຖຸຈິດໃຈເຂົ້າໃນການພັດທະນາແຫຼ່ງທ່ອງທ່ຽວຜາຫວ່າງຫ້ວຍຮໍແຫ່ງນີ້ ເພື່ອເຮັດໃຫ້ບັນລຸຕາມຄຳຂວັນຂອງເມືອງຊຳໃຕ້ ແຂວງຫົວພັນທີ່ວ່າ: “ເຊີນຊົມຕາດຜາຫວ່າງ ຜາຫນ່າງ ວີລະຊົນ ຜ້າໄຫມມ້ອນຊຳໃຕ້ ປ່າໄມ້ໃຫຍ່ໂລງເລງ ນໍ້າຊຳແຫຼ່ງພະລັງງານໄຟຟ້າ ມ້າສາລີກາບຜາຮໍ ”
ເມືອງວຽງໄຊ ເອົາໃຈໃສ່ປົກປັກຮັກສາ ຮ່ອງຮອຍປະຫວັດສາດ ຕິດພັນກັບການອະນຸຮັກທໍາມະຊາດ
ເມືອງວຽງໄຊ ແຂວງຫົວພັນ ແມ່ນເມືອງ ທີ່ມີທິວທັດທຳມະຊາດສວຍງາມ, ມີຮ່ອງຮອຍປະຫວັດສາດທີ່ສຳຄັນຫຼາຍແຫ່ງ ທີ່ຕິດພັນກັບມູນເຊື້ອຂອງພັກ, ມູນເຊື້ອການຕໍ່ສູ້ປົດປ່ອຍຊາດໃນພາລະກິດປົດປ່ອຍຊາດໃນເມື່ອກ່ອນ ຊຶ່ງພາຍຫຼັງທີຫັນທິດການຕໍ່ສູ້ແຕ່ຕົ້ນປີ 1960 ສູນກາງພັກໄດ້ເລືອກເອົາດິນແດນ ເຂດຕາແສງຊຽງຊື່ເປັນທີ່ຕັ້ງສຳນັກງານຂອງສູນກາງພັກ, ແຕ່ຍ້ອນຈັກກະພັດອາເມລິກາຜູ້ຮຸກຮານໄດ້ໃຊ້ຍົນຍິງທຳລາຍເຂດທີ່ໝັ້ນຂອງການປະຕິວັດຢູ່ລາວຫຼາຍຈຸດສະນັ້ນກາງປີ 1964 ສູນກາງພັກຈິ່ງໄດ້ຕົກລົງຍົກຍ້າຍ ສຳນັກງານສູນກາງພັກ, ສູນກາງແນວລາວຮັກຊາດ ແລະອົງການອື່ນໆ ຈາກບ້ານຊຽງຊື່ມາຢູ່ຕາມຖ້ຳຜາຫີນເຂດທົ່ງນາໄກລ້ອງກູ້ມາຮອດວັນທີ 30 ພະຈິກ 1968 ສູນກາງພັກຈິ່ງໄດ້ຫັ້ນເອົາ 10 ຕາແສງຂອງເມືອງຊຳເໜືອ ແລະ 1 ຕາແສງຂອງເມືອງໂສຍລວມເປັນ
11 ຕາແສງໂຮມເຂົ້າ ເປັນເຂດພິເສດໂດຍພາຍໃຕ້ການ ຊີ້ນຳໂດຍກົງຂອງສູນກາງພັກ, ພາຍຫຼັງທີ່ປະເທດຊາດໄດ້ຮັບ ການປົດປ່ອຍສູນກາງພັກຈິ່ງໄດ້ຍົກຍ້າຍສຳນັກງານ, ອົງການຕ່າງໆໄປຢູ່ວຽງຈັນ ແລະໃນຕົ້ນປີ 1976 ສູນກາງພັກຈິ່ງໂຮມເອົາ ເມືອງໂສຍເຂົ້າກັບເຂດພິເສດ ສ້າງຕັ້ງເປັນເມືອງສຳພັນຂຶ້ນກັບ ແຂວງຫົວພັນ ແລະໃນທ້າຍປີດຽວກັນກໍໄດ້ປ່ຽນຊື່ເມືອງສຳພັນເປັນເມືອງວຽງໄຊຕາມຊື່ລັບຂອງທ່ານປະທານ ໄກສອນ ພົມວິຫານ ຈົນມາເຖິງປະຈຸບັນນີ້.
ເພື່ອປົກປັກຮັກສາ ແລະເສີມຂະຫຍາຍມູນເຊື້ອປະຫວັດສາດດັ່ງກ່າວ ໂດຍໄດ້ຮັບການຊີ້ນຳຈາກຄະນະປະຈຳພັກແຂວງສະໄໝທີ VII, ການຮ່ວມມືຈາກພະແນກການກ່ຽວຂ້ອງຂັ້ນແຂວງ, ຫ້ອງການກ່ຽວຂ້ອງຂອງເມືອງ, ຄະນະຮັບຜິດຊອບທຸກຂັ້ນຮ່ວມກັບບໍລິສັດຮົງກຣາດໄດ້ພ້ອມ ກັນສຳຫຼວດສ້າງແຜນແມ່ບົດພັດ ທະນາເມືອງວຽງໄຊນັບແຕ່ປີ 2006-2026 ສະເໜີລັດຖະບານຮັບຮອງ ແລະລັດຖະບານໄດ້ອອກດຳລັດ 298/ນຍ ລົງວັນທີ 29 ກັນຍາ 2009 ຮັບຮອງເອົາ ເມືອງວຽງໄຊເປັນເມືອງມໍລະດົກ ແລະທຳມະຊາດ ຊຶ່ງໃນແຜນພັດທະນາດັ່ງກ່າວໄດ້ກຳນົດວິໄສທັດ ເພື່ອພັດທະ ນາເມືອງວຽງໄຊຢ່າງ ລະອຽດຄື: ສ້າງເມືອງວຽງໄຊໃຫ້ ເປັນເມືອງມໍລະດົກທາງດ້ານປະຫວັດສາດ ແລະທຳມະຊາດ, ເປັນເມືອງອຸດົມຮັ່ງມີ, ເມືອງສຸຂະອະນາໄມດີ, ເປັນຕົວເມືອງຍ່າງທ່ຽວຊົມ ແລະສະຫງົບ, ສ້າງເມືອງ ວຽງໄຊ ໃຫ້ເປັນເມືອງສີຂຽວສວຍງາມ.
ທ່ານເຈົ້າເມືອງວຽງໄຊຍັງ ເວົ້າວ່າເພື່ອເຮັດໃຫ້ 5 ວິໄສທັດດັ່ງກ່າວປະຕິບັດບັນລຸຕາມຄາດໝາຍທີ່ວາງໄວ້ສະນັ້ນຈິ່ງໄດ້ມີການກຳນົດບັນດາກິດຈະກຳຢ່າງລະອຽດ ໂດຍມີການປະສານສົມທົບກັບບັນດາພາກສ່ວນກ່ຽວ ຂ້ອງໃນຂັ້ນຕ່າງໆໃຫ້ກົມກຽວກັນ ພ້ອມນີ້ຍັງໄດ້ລະດົມທຶນທັງພາຍໃນ ແລະຕ່າງປະເທດເຂົ້າມາ ບູລະນະປະຕິສັງຂອນບັນດາຮ່ອງຮອຍປະຫວັດສາດທີ່ຮັບໃຊ້ແກ່ການປະຕິວັດທີ່ສຳຄັນຫຼາຍແຫ່ງ ໃນເມື່ອກ່ອນໄດ້ສຳເລັດຫຼາຍໂຄງການຄື: ສຳເລັດການບູລະນະຖ້ຳການຄ້າ, ຖ້ຳແຜນການ, ຖຳຄະນະຈັດຕັ້ງສູນກາງພັກ, ຖຳຊ້າງລອດ (ຖຳທະຫານສູນກາງ), ແມ່ຍິງລາວ, ໂຮງໝໍມິດຕະພາບ, ຖ້ຳທ່ານ ໜູຮັກ ພູມສະຫວັນ ແລະຖ້ຳທ່ານສຸພານຸວົງ, ສ້ອມແປງເຮືອນ ທ່ານ ປະທານ ໄກສອນ ພົມວິຫານ ແລະສ້າງເສັ້ນທາງຍ່າງເຊື່ອມຕໍ່ລະຫວ່າງຖ້ຳຕໍ່ຖ້ຳຊຶ່ງ ມີຄວາມຍາວທັງໝົດ 5,4 ກິໂລແມັດນອກຈາກນີ້ຍັງໄດ້ກໍ່ສ້າງໂຮງຮຽນການເມືອງການປົກຄອງ ແຂວງຂຶ້ນທີ່ບໍລິເວນບ້ານບັກເມືອງ ເມືອງໄຊ ຊຶ່ງເມື່ອກ່ອນເປັນທີ່ຕັ້ງ ໂຮງຮຽນທິດສະດີສູນກາງພັກແຫ່ງທຳອິດ ພ້ອມທັງປະດິດສະຖານຮູບປັ້ນຫຼໍ່ຂອງທ່ານປະທານ ໄກສອນ ພົມວິຫານ ຂຶ້ນຢູ່ສະຖານທີ່ດັ່ງກ່າວ.
ນອກຈາກນັ້ນຍັງມີບາງໂຄງ ການທີ່ພວມດຳເນີນການກໍ່ສ້າງ ເຊັ່ນ: ຖ້ຳແນວລາວ, ຖ້ຳສັນຕິລາດ, ກໍ່ສ້າງຫໍມູນເຊື້ອຂອງແຂວງຕິດພັນກັບເຂດຖ້ຳຜາແດງ (ສັນຍາລັກການຮ່ວມສຳພັນສູ້ຮົບລະຫວ່າງ 2 ຊາດລາວŒຫວຽດນາມຕ້ານ ຈັກກະພັດຜູ້ຮຸກຮານ), ສ້າງສູນຂໍ້ມູນຂ່າວສານ ແລະກໍ່ສ້າງສວນຊາກຸຣະ, ດຳເນີນການສຳຫຼວດອອກແບບ ແລະຂໍທຶນເພື່ອບູລະນະຖ້ຳຈີນ, ໂຄງການອ່າງນ້ຳ ເມືອງວຽງໄຊ, ໂຄງການສູນການຄ້າ ແລະໂຄງການສະໜາມ ກີລາຄົບວົງຈອນ, ຖ້ຳທ່ານ ສະໝານ ວິຍະເກດ, ທ່ານ ສີທົນ ກົມມະດຳ, ທ່ານ ໄຟດ່າງ ລໍເບຍຢາວ, ທ່ານ ສີຫະນຸ ແລະຖ້ຳຊາວໜຸ່ມ ໂດຍຕິດພັນກັບການບູລະນະ ບັນດາຮ່ອງຮອຍປະຫວັດທີ່ສຳຄັນແລ້ວຍັງໄດ້ປຸກລະດົມປະຊາຊົນ, ອົງການກ່ຽວຂ້ອງຂອງ ເມືອງປູກຕົ້ນໄມ້ປະເພດຕ່າງໆ ເຊັ່ນ: ໄມ້ອຸດສາຫະກຳໃສ່ຕາມເປີ້ນພູອ້ອມຂ້າງເທສະບານ, ໄມ້ໃຫ້ໝາກ ແລະໄມ້ປະດັບລຽບຕາມສອງຟາກທາງຕາມຂອບເຂດຕົນຮັບຜິດຊອບໄດ້ຫຼາຍພັນຕົ້ນພ້ອມນີ້ໄດ້ມອບຄວາມຮັບຜິດຊອບເປັນເຈົ້າການໃນການບົວລະບັດຮັກສາຈາກບັນດາຜົນສຳເລັດ ດັ່ງກ່າວໄດ້ເຮັດໃຫ້ເມືອງວຽງໄຊ ມີໂສມໜ້າໃໝ່, ກາຍເປັນແຫຼ່ງທ່ອງທ່ຽວທາງປະຫວັດສາດ, ທຳມະຊາດທີ່ໜ້າທ່ຽວຊົມ, ເປັນບ່ອນສຶກສາຮຽນຮູ້ບົດຮຽນທາງ ດ້ານປະຫວັດສາດທີ່ສຳຄັນຂອງ ແຂກທັງພາຍໃນ ແລະຕ່າງປະເທດ.
ພິທີວາງສີລາລືກໂຄງການກໍ່ສ້າງໂຮງໝໍ ມິດຕະພາບ ແຂວງຫົວພັນ
ພິທີວາງສີລາລືກໂຄງ ການກໍ່ສ້າງໂຮງໝໍມິດຕະພາບ ແຂວງຫົວພັນ ໄດ້ຈັດຂຶ້ນໃນ ວັນທີ 3 ມັງກອນ 2016 ນີ້ ໂດຍການເຂົ້າຮ່ວມເປັນກຽດ ຂອງທ່ານ ສົມສະຫວາດ ເລັ່ງສະຫວັດ ກຳມະການກົມການ ເມືອງສູນກາງພັກ ຮອງນາຍົກ ລັດຖະມົນຕີ ປະທານຄະນະ ກຳມາທິການຮ່ວມມືລາວ- ຫວຽດນາມ, ທ່ານ ຫງວຽນ ດິ້ງຊຶ້ງ ຮອງເລຂາພັກແຂວງ ປະທານຄະນະກຳມາທິການ ປະຊາຊົນແຂວງແທັງຮວາ, ມີທ່ານລັດຖະມົນຕີຊ່ວຍວ່າການກະຊວງແຜນການ-ການລົງທຶນ, ຜູ້ຕາງໜ້າພະແນກ ການກ່ຽວຂ້ອງຂອງສອງແຂວງຫົວພັນ-ແທັງຮວາເຂົ້າຮ່ວມນຳ.
ໂຄງການກໍ່ສ້າງໂຮງໝໍມິດຕະພາບແຂວງຫົວພັນ ເປັນໂຄງການໜຶ່ງທີ່ມີຄວາມໝາຍຄວາມສຳຄັນທີ່ສຸດ, ເປັນການປຸກສ້າງອາຄານທີ່ທັນສະໄໝ, ຄົບວົງຈອນ, ມີອຸປະ ກອນຮັບ ໃຊ້ທີ່ທັນສະໄໝ, ເນື້ອທີ່ປຸກ ສ້າງ 15.000 m2, ຈະສ້າງ ເປັນຕຶກ 9 ຊັ້ນ, ມີ 200 ຕຽງ ນອນ ເພື່ອປິ່ນປົວ ແລະ ຮັບ ໃຊ້ຄົນເຈັບ ໂດຍແມ່ນການ ຊ່ວຍ ເຫຼືອລ້າ
ຂອງລັດຖະບານ ແຫ່ງ ສາທາລະນະລັດ ສັງຄົມ ນິຍົມຫວຽດນາມ ໃນມູນຄ່າ 25 ລ້ານໂດລາສະຫະລັດ ແລະ ໂຄງການດັ່ງກ່າວຈະເລີ່ມລົງ ມືກໍ່ສ້າງນັບ ແຕ່ປີນີ້ເປັນຕົ້ນໄປ ຄາດວ່າຈະໃຫ້ສຳເລັດໃນປີ 2018. ຊຶ່ງເຈົ້າຂອງໂຄງການ ຝ່າຍລາວແມ່ນພະແນກແຜນ ການ - ການລົງທຶນແຂວງຫົວ ພັນ ແລະ ຝ່າຍຫວຽດນາມ ແມ່ນຄະນະກຳມະການປະຊາ ຊົນແຂວງແທັງຮວາ, ເມື່ອໂຄງ ການກໍ່ສ້າງໂຮງໝໍມິດຕະພາບ ແຫ່ງນີ້ສຳເລັດ ຈະກາຍເປັນ ບ່ອນປິ່ນປົວດ້ານສຸຂະພາບ ຂອງຄົນພາຍ ໃນແຂວງ, ບັນ ດາແຂວງໃກ້ຄຽງ ແລະ ພີ່ນ້ອງ ຊາວຫວຽດນາມ ທີ່ມາທຳມາ ຫາກິນຢູ່ແຂວງຫົວພັນ.
ການຊ່ວຍເຫຼືອໂຄງການ ກໍ່ສ້າງໂຮງໝໍແຫ່ງນີ້ ຖືວ່າ ເປັນການຊ່ວຍເຫຼືອດ້ວຍມູນ ຄ່າທີ່ສູງກວ່າໝູ່ໃນທຸກໂຄງ ການ ທີ່ໄດ້ຊ່ວຍເຫຼືອແກ່ແຂວງ ຫົວພັນໃນຜ່ານມາ ແລະ ຕ້ອງໃຫ້ບັນລຸຕາມຄາດໝາຍທີ່ສອງລັດຖະບານລາວ - ຫວຽດນາມ ວາງໄວ້. ນອກຈາກວຽກ ງານທາງດ້ານວັດຖຸ ແລະ ຈິດໃຈ, ຮັບໃຊ້ວຽກງານກວດປິ່ນປົວສຸຂະພາບ ແລ້ວ ຍັງເປັນການຫັນຮູບແບບການປ່ຽນ ແປງໄປສູ່ຄວາມທັນສະໄໝ ທາງດ້ານລະບົບສາທາລະນະ ສຸກຂອງແຂວງ, ແນໃສ່ຕອບ ສະໜອງຄວາມຮຽກຮ້ອງຕ້ອງ ການ, ໃນການດູແລສຸຂະພາບ ໃຫ້ປະຊາຊົນໃນອະນາຄົດ ອີກດ້້້ວຍ.
ໂອກາດດຽວກັນນີ້ ທ່ານ ຫງວຽນດິ້ງຊຶ້ງ ຕາງໜ້າໃຫ້ຄະ ນະພັກ ອຳນາດການປົກຄອງ ແຂວງແທັງຮວາ ມອບເງິນຈຳນວນ 200 ລ້ານດົງແກ່ແຂວງ ຫົວພັນ, ກ່າວຮັບ ໂດຍທ່ານ ຄຳວອນ ບຸນທະວົງ ຮອງເລຂາ ພັກແຂວງປະທານສະພາປະ ຈຳເຂດເລືອກຕັ້ງທີ 8 ແຂວງ ຫົວພັນ.
No comments:
Post a Comment